22 ‘o Sune, 2019 ‘Oku faka’ofo’ofa ‘aupito pea anga maheni pë ‘a e faka’ali’ali ngöué ia he ta’u kotoa pë. Ka ko e ta’u ní ‘oku fakafiefia ‘a e toe kau atu ‘a e Potungäue Takimamatá ke poupou’i ‘a e Polokalama Maa’imoa Faka’ali’ali Ngoué, Toutaí, Takimamatá pea mo e Fefakatau’aki ‘a e Vahe Fonua Tongatapú 2019.
Ko hono fakahä ‘eni ‘e he Pule Lahi ‘o e Potungäue Takimamata, Sione Moala ‘i he mahu’inga ‘enau kau ki he polokalama faka’ali’alí.
“Ko ’emau tu’uaki ‘i he ‘ahó ni, ko e ‘uluakí ko e tafa’aki ko eni ki he takimamatá ‘i he tu’uaki ko ia ki mulí pë ko e fakamaketí. ‘A ia ‘oku mau faka’ali’ali atu ‘emau ngaahi tatau ki he’emau ngaahi fakamatala (brochures) fekau’aki mo e ngaahi laó, ko ‘emau ‘ü mape ‘oku liliu fakapalagí, mo e ngaahi liliu kehe pë fakatatau ki he ngaahi feitu’u ‘oku fai ki ai e tu’uakí.”
Na’e fakahä foki ‘e Sione, ‘oku kau ki hono faka’ali’alí ‘enau tu’uaki atu ‘a e ‘ulungaanga fakafonuá (culture) ‘aki ‘enau faka’ali’ali e fanga ki’i fale ‘i he sipinga ‘o e Fale-Tongá pehē ki he ngaahi kupesi kuo faka’esia’i tä (frame) ‘i he ngaahi ‘ata lalahi.
“Na’e kau eni he ngaahi me’a na’e folofola ki ai ‘e tu’í ke kamata hono tātānaki e ngaahi me’a ki ha mesiume. Pea ko ia na’e fakahoko ‘e Tuione ‘a e ngäue ko ení, ko e tangata Tonga tä tongitongi ‘i Hawaii, ‘ene faka’ata lahi e ngaahi kupesi Tonga ko ení, pea ‘oku ou tui ko e konga lahi ‘i he ngaahi me’a ni ne lahi ‘ene mole mei hotau fonua.”
Taimi tatau na’e pehē ‘e Sione ‘e hanga ‘e he potungāué ‘o tuku atu ‘a e ngaahi koloa mahu’inga ko ení ke ‘ilo ki ai ‘a e kakaí ‘o ‘ikai ngata pe ‘i he’ene ‘asi he ngatú, ka kuo nau ‘osi hanga ‘o faka’esia’i lalahi pea mo tohi ki ai ‘a honau ngaahi hingoa totonu.
“’Oku ou tui ‘oku tokolahi ‘a e ni’ihi ‘oku nau to’o hala ‘aki e ngaahi hingoa kehekehe ‘a e ngaahi kupesi kehekehe fakatongá. Ka ‘oku ou tui ko ‘ene ‘ilo pē ki ai ‘a e kakai ‘o e fonuá kenau sio tonu kiaí, pehe ki he fānau akó mo e to’utupú ki he anga e tu’u ko ia ‘a e ngaahi kupesí ‘e lelei ia ke toe lahi e ‘ilo ki hotau talá.”
NGATA’ANGA
Tuku atu mei he: Potungāue Fakamatala ‘Ea, Ma’u’anga Ivi, Ma’u’anga Fakamatala, Tokangaekina Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki.
