21 Sune 2021 ‘Oku ‘amanaki ke tu’uta ‘i Nuku’alofa ni ‘a e vakapuná ‘e ua mei Nu’usila pea mo ‘Aositelelia ‘i he faka’osinga ‘o e mahina ni, mo e kau pāsese ‘e toko 300 tupu.
Fakatatau ki he Pule Lahi ‘o e Potungāue MEIDECC Paula Pouvalu Ma’u, ko e ongo vakapuna ko ‘ení ‘oku fakafolau fakataha mai pe ai ‘a e kau pasese angamahení pea mo e ni’ihi na’a nau fakakaungatāmaki ‘i polokalama toli fua’i ’akaú.
‘Oku ‘i ai foki mo e vakapuna ‘e taha ‘e tū’uta ia ‘i he uike ni mei Vanuatu pea ‘e folau mai ai ‘a kinautolu na’e tukuvakā ‘i Vanuatu , fakataha mo e fanau ako Tonga ni’ihi ‘oku nau lolotonga ako ‘i Vanuatu.
Ko e vaka charter foki eni ia angamaheni ‘oku ngaue’aki ke fakafolau atu ai ‘a e kau toli fua’i ‘akau ki ‘Aositelelia.
NGATA’ANGA
Tuku atu mei he: Potungāue Fakamatala ‘Eá, Ma’u’anga Iví, Ma’u’anga Fakamatalá, ‘Ōfisi ki hono Tokangaekina Ngaahi Fakamatakí, ‘Ātakaí, Feliuliuaki ‘o e ‘Eá mo e Fetu’utakí