Hangē ko ia kuo mou mea’i, ko e COVID-19 kuo ‘i Tonga ni, pea ‘oku fakahoko ‘e he Potungāue Mo’uí ‘a e ngāue matu’aki mahu’inga ‘aupito ki hono muimui’i ‘o kinautolu na’e ‘i ai ha’anau fetu’utaki vaofi (direct contact) mo kinautolu kuo fakamo’oni’i kkuo nau puke pea positive ‘enau test COVID-19. Ko e ngāue mahu’inga ‘aupito ‘eni ki hono feinga ke ta’ota’ofi ‘a e mafola atu ‘a e vailasi ki he community pea ‘oku fu’u fiema’u ho’omou tokoni.
Ko ia ‘oku mau tuku atu ‘a e ngaahi feitu’u ko ‘eni ‘oku fai ‘a hono tokanga’i makehe (places of interest) he lolotonga ‘a e fakahoko fatongi ko ‘eni, ke fakapapau’i angé pe na’a ke ‘i he ngaahi feitu’u ko ia pea mo e taimi ‘oku tuku atu, pea kataki fakamolemole ‘o fakahoko ‘a e ngaahi me’a ko ‘eni:
- ‘Oua temou ilifia pe hoha’a kae fakaongo ki he ngaahi fale’i ‘e tuku atu ‘e he Pule’angá mo e Potungāue Mo’uí
- Nofo ma’u ‘i ‘api fakataha mo kinautolu kotoa ‘oku ‘i ai, ‘o ‘oua toe fononga holo ki ha feitu’u
- Fetu’utaki mai leva ki he Potungāue Mo’ui he vave taha ki he fika ko e 0800019 pe 0800935 ke fai ha femahino’aki ki he founga lelei taha mo malu ke fakahoko ai hamou tesi ki he COVID-19
- Kapau ‘oku ke ongo’i puke, matu’aki mahu’inga ke ke fetu’utaki mai he vave taha ki he fika ko ‘ena ke fai atu ha tokoni.
Ko e ngaahi feitu’u tokanga makehe ‘eni (Places of interest):
- Tokonaki 29 Sanuali 2022
12.00pm – 1.00pm Rodney Liquor Shop ‘i Fanga
1.00pm – 2.00pm Falekoloa Tonga ‘o Solomone Ikahihifo ‘i Kolomotu’a
- Sapate 30 Sanuali 2022
10.00am Malanga Siasi Uesiliana ‘o Matahau
- Monite 31 Sanuali 2022
10.00am – 11.00am MBf Bank
11.00am – 12.00pm ‘Apiako Kindy ‘a Ela ‘i Fangaloto
12.00pm – 2.00pm Chinese Shop KFC (Hala Vuna hanga ki he Uafu Taufa’ahau)
5.30pm Lotu efiafi Siasi Uesiliana ‘o Matahau
- Tusite 1 Fepueli 2022
9.00am – 10.00am MBf Bank
‘Aho kakato he taimi ako ‘a e Kindy ‘a Ella ‘i Fangaloto
‘Oku kole atu ai pe homou tokoní mo e poupou ki he fatongia mamafa ko ‘ení pea ke tauhi ai pe ‘a e ngaahi founga faka’ehi’ehi kemou malu ai mei he COVID-19 he kuo ‘i Tonga ni.
Mei he Potungāue Mo’uí
